Hoxe presentámosvos o cordial de sabugueiro, a nosa bebida máis refrescante, que recupera sabores esquecidos do pasado para poñelos en valor no presente. Este refresco ecolóxico, elaborado a partir de flores frescas de sabugueiro, é un complemento perfecto para preparar delicias culinarias, calquera día de verán.
Alén do seu sabor aromático e floral, esta bebida é apreciada no resto de Europa debido aos seus beneficios para a saúde. E sen azúcares engadidos!
O noso cordial está elaborado somerxendo as flores frescas de sabugueiro en auga adozada con sirope de agave. O zume de limón aporta vitamina C e axuda a preservar o sabor, evitando que o cordial se torne escuro. O resultado é un concentrado de flor de sabor irresistible, co cal podemos:
Elaborar bebidas refrescantes e cócteles con ou sen alcohol
Aliñar ensaladas, carnes e peixes:
Aromatizar e adozar iogures, xeados e infusións:
Aderezar a base das nosas sobremesas (para biscoito, xelatinas, cremas…):
Propiedades da flor do sabugueiro:
A maiores da súa versatilidade e do seu sabor e aroma, as propiedades beneficiosas do sabugueiro teñen un longo historial de usos medicinais. Tanto a flor como o froito do sabugueiro comparten similitudes á hora de fortalecer o nosos sistema inmunitario, mais as flores de sabugueiro teñen algúns usos adicionais que as fai únicas. Contribúen a reducir a duración dos resfriados e febres, a cocedura destas serve para tratar a conxuntivite, entre outros remedios que podes consultar aquí. Posúe unha alta cantidade de antioxidantes, entre os cales destacan os flavonoides e ácidos fenólicos. Un complemento moi positivo para a nosa dieta, que contribuirá a que nos sintamos mais saudables.
Por aquí continuamos coa nosa teima de valorar e saber empregar as materias que nos rodean. Se tes un sabugueiro en flor próximo a ti, recomendámosche que botes unha ollada a esta entrada para comezar a experimentar con este valioso recurso que agroma por todas partes no noso territorio.