Un dos nosos propósitos para estas festas é celebrar a amizade e por iso creamos cinco cestas con produtos galegos acompañadas das láminas de catro ilustradoras galegas que nos encantan: Clara Cerviño, Xoana Almar, Luz Beloso e Ana Parada.
Para a creación destas caixas, pensadas para regalar e regalarse, a aposta segue sendo a do produto galego de calidade, ecolóxico, local e rural. E nada máis local e con máis calidade que estas catro ilustradoras gourmet que se prestaron a colaborar connosco.
Esta colaboración é tamén unha forma de visibilizar o talento galego e en especial o talento das mulleres galegas.
Gosto das ilustradoras galegas!
A caixa que inclúe delicias galegas gourmet (bombón, mel, chocolate, licor, viño, queixo, marmeladas e conservas) e as catro láminas sobre a amizade que son o centro deste Nadal en Carabuñas.
Unha cesta composta por produtos galegos gourmet (queixo, paté de centola, chocolate, marmelada, viño D.O. Rías Baixas e licor de sabugueiro) e a lámina “A loita de todas está en nós” de Xoana Almar coa que nos lembra que a nosa esencia, o noso ser e o noso futuro están na nosa unión.
A caixa de Clara Cerviño inclúe os seguintes produtos gourmet galegos: paté de centola, salchichón de porco celta, turrón, mexillóns, cervexas artesanais e marmelada ecolóxica, ademais dunha ilustración na que a autora nos leva ata a cidade de Ourense para cruzar as súas pontes ou construír outras novas.
Nesta cesta hai mel, cordial de sabugueiro, licor de sabugueiro, un viño branco D.O. Rías Baixas, galletas artesanais e un queixo premiado internacionalmente. Ademais inclúe unha ilustración de Luz Beloso que nos transmite que as amigas e os amigos son como as flores da vida.
Esta cesta regalo inclúe paté, mexillóns, queixo, chocolate, marmelada, licor de sabugueiro e unha lámina de Ana Parada baseada na “Creación de Adán” de Miguel Anxo.
Gosto das ilustradoras galegas!
Con estas cestas especiais para este Nadal queremos poñer en valor o traballo das mulleres galegas que se dedican á ilustración. Son catro pero poderían ser corenta porque a calidade da ilustración galega é magnífica.
Gosto do Nadal galego! Gosto do rural galego!
Preparamos as nosas fermosas caixas regalo baixo o paraugas de Gosto!. Unha nova marca que vén aumentar a despensa de Carabuñas e coa que poñemos ao dispor das nosas seguidoras e seguidores produto galego artesán e de calidade, ca nosa mesma filosofía de sempre. Podedes atopar máis produtos dos que “ gostar” aquí.