Descripción
Entre os produtos imprescindibles de Tres Fuciños está o seu salchichón de porco celta. Contén carne magra e graxa dos xamóns que non curan. É un produto único de sabor suave, perfecto para acompañar do chourizo cular e do xamón de Tres Fuciños.
Cooperativa Tres Fuciños
Formada por 11 criadores de pequenas explotacións de Friol, A Cañiza, Outes ou Carballedo, a súa meta é trasladar o seu produto de forma directa aos seus clientes e fomentar unha alimentación de calidade, saudable e biosostible. Trátase de explotacións tradicionais de crianza semiextensiva (ao aire libre) que se integran de forma natural na contorna rural.
O seu traballo está baseado no aproveitamento dos recursos naturais e dos saberes tradicionais para a crianza dos porcos e a elaboración dos seus derivados. Son capaces de conseguir produtos de gran calidade, saudables e respectuosos co medio.
