Descripción
Entre os produtos que ofrece a Cooperativa Tres Fuciños está o paté que elaboran co fígado e touciño dos porcos que coidan. Un produto que destaca polo seu sabor e propiedades: proteínas, vitaminas B-12 e A que contribúen ao bo funcionamento do sistema nervioso e ao coidado de pelo, ollos e pel. Tamén posúe minerais esenciais.
Cooperativa Tres Fuciños
Tres Fuciños é unha cooperativa de pequenos produtores e produtoras de porco celta (porco autóctono galego). O seu obxectivo: facer chegar o seu produto de forma directa aos seus clientes e clientas coidando unha alimentación de calidade, saudable e biosostible.
Contan con 11 criadores que comparten sinerxias e coñecementos para mellorar día a día na crianza do porco celta. As súas explotacións están distribuídas por toda Galicia: Friol, A Cañiza, Carballedo, Outes, etc.
Tres Fuciños non son máis que criadores modestos que aproveitan os medios naturais e os saberes tradicionais para a crianza dos porcos e a elaboración dos seus derivados.
