Descripción
As bagas de sabugueiro deshidratadas Carabuñas son o resultado dun proceso de elaboración artesanal, coidada e responsable coa contorna.
Colleitamos as bagas de sabugueiro ecolóxicas no momento de maduración ideal e sometémolas a un proceso de deshidratación natural, a baixa temperatura. Desta forma, conseguimos preservar durante máis tempo as súas propiedades antioxidantes, antivirais e depurativas. O froito do sabugueiro está especialmente indicado para axudar ao sistema inmunolóxico e reforzar as defensas. Son ricas en vitamina C e un dos froitos con máis cantidade de Quercitina.
Grazas á deshidratación, podemos tomar este froito fóra de tempada pero mantendo todas as súas propiedades. O consumo de bagas de sabugueiro deshidratadas adóitase facer en infusión ou como complemento a algunhas receitas de carne ou batidos (rehidratándoas previamente).
As bagas de sabugueiro son unha das materias primas que máis utilizamos en Carabuñas. No ADN do noso proxecto está o aproveitamento e a posta en valor deste froito descoñecido para o gran mercado da alimentación; transformándoo en receitas e elaboracións gourmet. Podes probar as nosas marmeladas, licores ou cervexas elaboradas con bagas de sabugueiro ecolóxicas.
Ingredientes
- Bagas deshidratadas de Sambucus Nigra L Variedade Atlántica
