Cesta mensual de produtos galegos Abril – Carabuñas

A nosa selección mensual de produtos deliciosos elaborados en Galicia.

En abril invitámosvos a unha viaxe do mar á montaña, saboreando as elaboracións de Mar de Ardora, Bubela, Faragullas, Amorodo, Tres Fuciños, Campo Capela e Carabuñas.

Unha forma de descubrir cada mes pequenas produtoras galegas e de apoiar o comercio de proximidade.

Esta é unha cesta que vai cambiando cada mes e que ten unidades limitadas. Non quedes sen ela!

Aquí podes ver a versión familiar da nosa cesta mensual ou subscribirte e recibila durante 3 meses ou 6 meses na túa casa.

34,95

44 dispoñibles

Descripción

Descubre cada mes novos produtos de pequenas marcas produtoras galegas. Unha alternativa para persoas que queiran facer unha aposta por unha compra de proximidade e apoiando a pequenas marcas produtoras.

Contido da cesta do mes de abril

  • Alga espagueti de mar ao natural ECO Mar de Ardora.
  • Pasta de trigo integral e cúrcuma Bubela 400 g.
  • Pan de leite do Forno Tradicional de Faragullas.
  • Pisto con cabaciño ecolóxico Amorodo 370 g.
  • Queixo O Mouro – Campo Capela 400 gr.
  • 4 chourizos porco celta – Tres Fuciños.
  • Marmelada ecolóxica de sabugueiro 250 g. de Carabuñas.
  • 1 Cervexa artesanal ecolóxica de flor de sabugueiro 33 cl. de Carabuñas.

Conservas Mar de Ardora, “A esencia do mar de Galicia”
As conservas Mar de Ardora son produtos ecolóxicos de tempada, de extracción sostible e elaborados artesanalmente en Galicia. Neste caso, incluímos a variedade de alga “Espagueti de Mar ao Natural”, un alga de textura e intensidade media, que lembra a unha xudía con sabor a marisco. Ingrediente ideal para moitas receitas, dá un toque especial a calquera prato sen enmascarar o resto de sabores.

Bubela, pastas ecolóxicas e artesanais
Bubela é un taller artesanal de pastas e cervexas ecolóxicas. No seu obradoiro, na cidade de Lugo, elaboran a súa pasta unicamente con ingredientes de cultivo ecolóxico certificado, primando a proximidade, a calidade e o respecto pola terra e as persoas.
Para esta cesta do mes de abril seleccionamos a pasta de trigo integral con cúrcuma, artesanal e ecolóxica. Coce en tan só 4 minutos.

Faragullas Forno Tradicional
Faragullas é un forno tradicional de Vilar de Santos, en Ourense, que naceu da convicción de elaborar os seus produtos de maneira artesanal, “o pan da avoa de toda a vida”. O sabor do pan de leite que leva esta cesta do mes de abriil pode dar boa fe desta filosofía.

Conservas Amorodo, de vexetais ecolóxicos
Amorodo é o proxecto de dúas empresarias de Soutelo de Montes (Forcarei): María Vitoria Cosme e Yolanda Vilar. Nace en 2004 e hoxe posúe máis dunha vintena de referencias que comparten sabor e calidade. Na nosa cesta de abril incluímos o seu pisto con cabaciño ecolóxico, ideal para acompañar pastas, patacas, ovos, empanadas e outros moitos pratos. Os seus produtos están recoñecidos polo CRAEGA, Consello Regulador de Agricultura Ecolóxica de Galicia.

Campo Capela, cooperativa de 30 familias gandeiras
Decidiron elaborar os seus propios produtos para aproveitar a produción de leite. As creacións de Campo Capela alcanzan cada vez máis prestixio e recoñecemento internacional. O queixo que incluímos nesta cesta, Ou Mouro, conseguiu en 2018 a medalla de ouro nos World Cheese Awards. É un queixo de autor que se come con cortiza. O seu interior é cremoso, de pasta branda e sabor similar ao do iogur.

Cooperativa Tres Fuciños
A cooperativa Tres Fuciños reúne a pequenos produtores e produtoras de porco celta de diferentes puntos de Galicia. O seu chourizo de porco celta está feito con tradición e agarimo, afumado con leña de carballo que lle dá o sabor de sempre. Os seus ingredientes: magro e touciño de porco.

Carabuñas, os do sabugueiro
En Carabuñas dámoslle unha volta ao sabugueiro, unha especie vexetal moi ligada a Galicia, aproveitando as súas calidades para elaborar produtos artesanais, auténticos e saudables.

Na cesta do mes de abril podes atopar a nosa cervexa ecolóxica de flores de sabugueiro, e a marmelada de sabugueiro tamén con certificación ecolóxica e elaborada cun 70% de froita, sen conservantes nin aditivos

Cesta mensual de produtos galegos

Esta é unha selección mensual de produtos artesanais de gran calidade, que non se atopan nas grandes superficies.
Como traballamos con pequenas marcas e con produtos que non se elaboran de forma industrial, as nosas cestas teñen unidades limitadas. Faite ca túa antes de que se esgoten!
Tamén temos unha versión familiar desta cesta, que podes ver aquí.

Como funciona?

Cada mes publicaremos na nosa web unha nova cesta. Non hai permanencia, entras á nosa web, ves o contido da cesta dese mes e fas o teu pedido. Sen complicacións.

Non queres perderte ningunha?

Se non queres estar pendente de visitar a nosa web cada mes, podemos avisarte cando lancemos unha nova cesta. Escríbenos un WhatsApp ao 604081054 ca mensaxe “Quero recibir información mensual sobre a vosa cesta”, podes facelo desde aquí.

Deste xeito, a principios de cada mes, cando publiquemos a nova cesta enviarémosche unha mensaxe para que a poidas ver.

Queres recibir unha cesta cada mes?

Déixanos sorprenderte! Recibe durante 3 meses ou durante 6 meses a nosa cesta familiar na túa casa. Ao comprar a túa subscrición, estás axudando á viabilidade de proxectos de pequenas marcas coma a nosa.

Información adicional

Peso 3.5 kg